bila jawaz rakhen khud ko be qarar bhi kyun!
jo tu nahi hai to phir tera intezar bhi kyun!
akelay pan ka safar jab mera mukaddar hai,
to phirr aey wada shekan teri rah guzar bhi kiyun!
usey ganwaa kay rahoon abb khizaaon ki zadd mai,
jo wo nahi hai to phirr mousam – e- bahaar bhi kyun
agar bhulaye huye us ko eik umr hui
to phirr yeh aaj tabiyat hai sogawaar bhi kiyun
wo jin labon pe yakin e wafa mehk na sakay,
phir un ki awaz ki khawahish eik baar bhi kiyun!
jab us ko shauq thaa raaston ki dhoul honay ka
palat ker dekhta jataa thaa baar baar bhi kiyun
More Urdu Shayari Ghazals
You may like:
Tamam Umar Wohi Qissa e Safar Kehna
Atey Jatey Huey Logon Pe Nazar Kia Rakhna!!
Din Dhala Rat Phir Agai So Raho So Raho!!
