Teri Chashm e Tarr Dekhe Ga Kon!

    0
    674
    teri chashm e tar dekhe ga kon - faraz

    Ab ke rut badli to khushbu ka safar dekhe ga kon
    Zakham phulon ki tarha mehken ge per dekhe ga kon

    Dekhna sub raqs e bismal me magan ho jaen ge
    Jis taraf se teer aye ga udhar dekhe ga kon

    Zakham jitne bhi they sub mansoob qatil se hue
    Tere hathon ke nishan ae chara gar dekhe ga kon

    Wo hawas ho ya wafa ho bat mehroomi ki he
    Log to phal phool dekhen ge shajar dekhe ga kon

    Meri awazon ke saye mere baam o dar pe hen
    Mere lafzon me utar kr mera ghar dekhe ga kon

    Hum chirag e shab hi jab thehre to phir kia sochna
    Rat thi kis ka muqaddar or seher dekhe ga kon

    Aa faseel e sheher se dekhen ghaneem e sheher ko
    Sheher jalta ho to tujh ko baam per dekhe ga kon

    Her koi apni hawa me mast phirta he faraz
    Sheher e na pursan me teri chashm e tar dekhe ga kon

     

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)