Qaamat ko terey saru o sanober nahi kaha
Jesa bhi tu tha us se to barh kar nahi kaha
Us se miley to zuam e takallum ke bawujood
Jo soch kar gaye wohi aksar nahi kaha
Itni murawwaten to kahan dushmanon me thin
yaron ne jo kaha mere mun per nahi kaha
Mujh sa gunahgar sar e dar keh gaya
Waaiz ne jo sukhan sar e minber nahi kaha
Barham bas isi khata pe ameeran e sheher hen
In joharon ko main ne samandar nahi kaha
Ye log meri fard e amal dekhtey hen kiun
Main ne faraz khud ko rahbar nahi kaha
