Dil Ki Taskeen
dil ki taskeen ke lye do phool daman me nahin
is tarha hun aj gulshan me ke gulshan me nahin
chain aseeran e qafas ko yad e gulshan me nahin
dorti hen bijlian sailab e khoon tan me nahin
wo gulon per tazgi,ronaq wo gulshan me nahin
khaak si urti he,main jab se nasheman me nahin
chootna qaid e qafs se kia qayamat ho gaya
ab baraey nam bhi rahat nasheman me nahin
deed ke qabil he ye rang e subuk roohi mera
dhoondti he barq mujh ko main nasheman me nahin
kiun khazan me sar jhukae muzmahil betha rahun
meri nazron me to hen jo phool gulshan me nahin
ruk gai kunj e qafas me khud ba khud meri zaban
shaed ik tinka bhi baqi ab nasheman me nahin
