Ujre Hue Logon Se Gurezan Na Hua Kar

0
1645
ujrey huey logon se gurezan na hua kar

ujre hue logon se gurezan na hua kar
halaat ki qabron ke ye kutbe bhi perha kar

kia janye kiun tez hawa soch me gum he
khawabeda parindon ko darakhton se ura kar

us shakhs ke tum se bhi marasim hen to hon ge
wo jhut na boley ga mere samne aa kar

ab dastaken de ga tu kahan ae gham e ahbab
main ne to kaha tha ke mere dil me raha kar

har waqt ka hansna tujhe barbad na kar de
tanhai ke lamhon me kabhi ro bhi lia kar

wo aj bhi saddion ki musafat pe khara he
dhonda tha jise waqt ki dewar gira kar

barham na ho kam fehmi kotah nazran per
ae qamat e fan apni bulandi ka gila kar

ae dil tujhe dushman ki bhi pehchan kahan he
tu halqa e yaran me bhi mohtat raha kar

main mar bhi chuka, mil bhi chuka moj e hawa me
ab ret ke seney pe mera nam likha kar

pehla sa kahan ab meri raftar ka alam
ae gardish e doran zara tham tham ke chala kar

is rut me kahan phool khilen ge dil e nadan
zakhmon ko he wabasta e zanjeer e saba kar

ik rooh ki faryad ne chonka dia mujh ko
tu ab to mujhe jism ke zandan se riha kar

is shab ke muqaddar me sahar he nahi Mohsin!
dekha he kai bar charaghon ko bujha kar!!

 

 

Next to Read:

Haq To Ye Hay Ke Haq Adaa Na Hua!

 

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)