Ikhlaq Na Barten Ge Madara Na Karen Ge

1
1644
Shayad by jaun elia

Ikhlaq na barten ge, madara na karen ge
Ab hum bhi kisi shakhs ki parwah na karen ge

Kuch log kai lafz ghalat bol rahe hain
Islah magar hum bhi ab aslan na karen ge

Kum goi ke ik wasf e himaqat hai bahar taur
Kum goi ko apnaen ge , chehka na karen ge

Ab sehel pasandi ko banaen ge wateera
Ta der kisi baab mein socha na karen ge

Ghussa bhi hai tehzeeb e talluq ka talabgar
Hum chup hain, bhare bethe hain, ghussa na karen ge

Socha hai ke ab kaar e maseeha na karen ge
Wo khoon bhi thooke ga to parwah na karen ge

Is baar wo talkhi hai ke roothe bhi nahi hum
Ab ke wo larai hai ke jhagra na karen ge

Yaan us ke saleeqe ke hain asaar to kya hum
Is par bhi ye kamra tah o bala na karen ge

Ab naghma e tarazan e bar afrokhta aye sheher!
Wa sokht kahen ge, ghazal e insha na karen ge

Aesa hai ke seene mein sulagti hain kharashen
Ab saans bhi hum lenge to acha na karen ge

Kal raat bohot ghaur kiya so hum aey John!
Tai kar ke utthe hain ke tamanna na karen ge…

 

 

Taken from Shayad by John Elia 

 

1 COMMENT

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)