Yun to mehroom nawa kab se dehen mera tha
Phir bhi charcha hua jis ka wo sukhan mera tha
Main ne kis nasha e nakhooat me kaman khenchi thi
Teer jis jism me utra tha wo badan mera tha
Tu kabhi ghor se dekh apni qabae resham
Teri khilat me koi tar e kafan mera tha
Ab to mujh ko bhi nidamat he wafa per apni
Mukhtalif kitna zamane se chalan mera tha
Akhri sham e khizan toot ke yad ati he
Phir nasheman he mera tha na chaman mera tha
Meri ankhon ne jo dekha mere lab per aya
Meri tafseer he be sakhta pan mera tha
Thi ufaq ta ba ufaq yun to meri khak Faraz
Kis qadar tang magar mujh pe watan mera tha
