Aakhri Khat by Faiz Ahmed Faiz

0
1308
faiz ahmed faiz poetry

Wo Waqt Meri Jaan

Wo Waqt Meri Jaan Boht Door Nahin Hai
Jab Dard Se Ruk Jayen Sub Zeest Ki Raatein
Aur Hadd Se Guzar Jaaye Ga Andoh e Nihani
Thak Jaen Gi Tarsi Hui Nakam Nigahein
Chhin Jaen Ge Mujh Se Mere Aansu Meri Aahain
Chhin Jae Gi Mujh Say Meri Bekaar Jawani
Shayd Meri Ulfat Ko Boht Yaad Karo Gi
Apne Dil e Masoom Ko Nashaad Karo Gi
Aao Gi Meri Gor Pe Tum Ashk Bahanay
Nou Khaiz Baharon Ke Haseen Phool Charhane
Shayd Meri Turbat Ko Bhi Thukra Ke Chalo Gi
Shayd Meri Besood Wafaon Pe Hasso Gi
Is Waza e Karam Ka Bhi Tumhen Paas Na Hoga
Lekin Dil e Nakam Ko Ehsaas Na Hoga
Al Qissa Maal e Gham e Ulfat Pe Hasso Tum
Ya Ashk Bahaati Raho ,  Faryad Karo Tum
Maazi Pe Nidamat Ho Tumhain Ya Ke Musarrat
Khamosh Para Soye Ga Damaanda e Ulfat

Faiz Ahmed Faiz

 

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)