aapki yaad aati rahi raat bhar
chaandani dil dukhati rahi raat bhar
gaah jalti huii, gaah bujhti huii
shaame gham jhilmilaati rahi raat bhar
koi khushboo badalti rahii pairahan
koi taswir gaati rahi raat bhar
phir saba saaya e shakhe gul ke talay
koi qissa sunaati rahi raat bhar
jo naa aaya usay koi zanjir e dar
har sadaa par bulaati rahii raat bhar
ek umeed se dil behelta raha
ek tamanna satati rahi raat bhar
Faiz Ahmed Faiz
Aap Ki Yaad Poetry Lyrics in Urdu:
