Jism shola he jabhi jama sada pehna
Meray suraj ne bhi badal ka libada pehna
Silwaten hen meray chehray pe to hairat kiun he
Zindagi ne mujhe kuch tum se ziada pehna
Khwahishen yun hi barhana hon to jal bujhti hen
Apni chahat ko kabhi koi irada pehna
Yar khush hen ke unhen jama e ahram mila
Log hanstey hen ke qamat se ziada pehna
Yar e pemaan shikan aye agar ab ke to usey
Koi zanjeer e wafa ae shab e wada pehna
Ghairat ishq to maney thi magar me ne Faraz
Dost ka tauq sar e mehfil e aada pehna