Wohi Darpesh Hai Phir Zindagi Khwaabon Khayaalon Ki
Kahaan Hai Ab Tumhaari Woh Mohabbat Itney Saalon Ki
Agar Merey Muqaddar Mei Andheraa Hi Andheraa Tha!
Kahaani Kiyu Sunaai Thi Mujhey Tum Ney Ujaalon Ki!
Barra Hai Farq Donon Mei, Magar Dilchasp Hain Dono!
Teri Dunya Jawaabon Ki, Meri Dunya Sawaalon Ki!
Tumhen Jab Mai Likhta Hon, Tumhen Jab Se Mai Parhta Hon,
Zaroorat Hi Nahin Parti, Kitaabon Ke Hawaalon Ki!
Taalluq Jorrna Or Torrna Tum Sey Koi Seekhey!
Kahaan Sey Aa Gayi Tum Ko Mahaarat Aesi Chaalon Ki!
Shagufta Dil Ko Rakha Hay Faqat Es Waastey Mohsin!
Zaroorat Phir Na Parr Jaaye Tumhen Meri Misaalon Ki!!
Wohi Darpesh Hai Phir Zindagi Khwaabon Khayaalon Ki
Kahaan Hai Ab Tumhaari Woh Mohabbat Itney Saalon Ki
