Marhaley Shoq Ke Dushwar Hua Karte Hen!!

    1
    830

    marhaley shoq ke dushwar hua karte hen
    saye bhi rah ki dewar hua karte hen

    wo jo sach bolte rehne ki qasm khate hen
    wo adalat me gunahgar hua karte hen

    sirf hathon ko na dekho kabhi aankhen bhi perho
    kuch sawali barey khud dar hua karte hen

    wo jo patthar yunhi raste me parey rehteyhen
    un ke seeney me bhi shahkar hua karte hen

    subha ki pehli kiran jin ko rula deti he
    wo sitaron ke azadar hua karte hen

    jin ki aankhon me sada piyas ke sehra chamken
    darhaqiqt wohi fankar hua karte hen

    sharam ati he ke dushman kisey samjhen Mohsin!
    dushmani ke bhi to mayaar hua karte hen

     

    1 COMMENT

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)