Be Qaraari Si Be Qaraari Hai
Wasl Hay Or Faraaq Taari Hay
Jo Guzaari Na Jaa Saki Hum Say
Hum Nay Woh Zindagi Guzaari Hay
Us Say Kahiyo Keh Dil Ki Galliyo Mein
Raat Din Teri Intezaari Hay
Ik Mehek Simt e Jaan Say Aai Thi
Mai Yeh Samjha Tri Sawaari Hay
Haadson Ka Hissab Hay Apna
Warnah Har Aan Sub Ki Bari Hay
Bin Tumharey Kabhi Nahi Aayi
Kiya Meri Neend Bhi Tumhari Hay
Nighare Kiya Huwe Keh Logon Per
Apna Saaya Bhi Ab Tou Bhaari Hay
Khush Rahay Tu Keh Zindagi Apni
Umr Bher Ki Ummid Waari Hay
Aap Mein Kese Aaon Main Tujh Bin
Saans Jo Chal Rahi Hay Aari Hay
Hijr Ho Ya Wasl Ho Kuchh Ho
Hum Hain Aur Us Ki Yaadgari Hay
