Gile Shikwe Mita Kar Muskurao Eid Ka Din Hai
Puraani Ranjishon Ko Bhool Jaao Eid Ka Din Hai
Woh Jin Ko Be Sabab Thukra Diya Hai Duniya Waloo Ney
Gale Un Be Sahaaron Ko Lagao Eid Ka Din Hai
Akhuwwat, Bhai Chara, Dosti, Akhlaas Phailao
Mohabbat Ke Diye Ghar Ghar Jalaao, Eid Ka Din Hai
Woh Jin Bacho Ka Bachpan Karkhanay Chhen Letay Hain
Woh Bachpan Phir Unhain Wapas Dilao, Eid Ka Din Hai
Kisi Ke Waastay Nafrat Na Rakho Apnay Seene Mein
Jo Roothe Hain Unhain Chal Kar Manao Eid Ka Din Hai
Kum Azz Kum Aaj Ke Din Ho Khushi Har Aik Kay Chehre Par
Sabhi Mil Kar Dua Ko Haath Uthaao Eid Ka Din Hai
