he kis ka aks dil ke qareen,char su he kon
gard e guman chatey to khuley rubaru he kon
kis ke badan ki dhoop ne lehren uchal din
ae aks e mahtab teh e aab ju he kon
kia janey sang bar hawa koey yar ki
pewand kis quba me lage,be rafu he kon
nok e sinan pe kiun na sajey apni sarkashi
juz sheher yar sheher me apna adu he kon
ae maslihat ki taiz hawa, juz ghareeb sheher
is sheher e nang o nam me be abru he kon
palkon pe kon chunta he ruswaion ki dhool
ruswa hamare sath yahan ku baku he kon