Sehra To Boond Ko Bhi Tarasta Dikhai De
Badal Samandaro Pe Barasta Dikhai De
Is Shehr e Gham Ko Dekh De Dil Doobne Laga
Apne Pe He Sahi ‘ Koi Hansta Dikhai De
Gar Mai Nahi To Zehr Hi Lao Ke Is Tarha
Shayad Koi Nijat Ka Rasta Dikhai De
Ae Chashm e Yar Tu Bhi To Kuch Dil Ka Hal Khol
Hum Ko To Ye Diyaar Na Bastaa Dikhai De
Jins e Hunar Ka Koi Kharidaar Hai Faraz
Heera ‘ Ke Patharo Se Bhi Sasta Dikhai De
More Faraz Poetry