yehi he sab se barh kar mehram e asrar ho jana
mayassar ho agar apna hamen deedar ho jana
mohabbat me kahan mumkin zaleel o khawar ho jana
ke pehli shart he insaan ka khud dar ho jana
khule ga chara gar per raz e gham, kia dard ke hotey
ke ata he usey khud nabz ki raftar ho jan
hawa ka us taraf, unki naqab e rukh ulat dena
idhar ak lahu ki boond ka sarshar ho jana
asar lena tha ham ko, har adaey husn se un ki
magar lazim na ruswa sar e bazaar ho jana
giren,har har qadam per bijlian,rah e mohabbat me
bari mushkil se aya, talib e deedar ho jana
udhar, daman kisi ka jhar kar mehfil se uth jana
idhar nazron me har har cheez ka bekaar ho jana
wasaal o hijr ke jhagron ne fursat he na di warna
maal e aashqi tha, rooh ka bedaar ho jana
zaban go chup hui dil me, talatam he wohi barpa
na aya aj tak mehv e khayal e yar ho jana
jigar wo khaak he to surma e chashm e do aalam he
mayassar ho jisey sarf e jamal e yar ho jana
[adsense_inserter id=”3100″]
