Jo Haqeeqat Ho Us Haqeeqat Se
Dour Mat Jao Lout Bhi Aao
Ho Gayin Phir Kisi Khayal Mein Gum
Tum Meri Aadatein Na Apnao
~~~~~~~~~~~~~~~~~~~~~~~~~~~~
Wo Kisi Din Na Asake Par Usey
Paas Waadey Ko Ho Nibhaney Ka
Ho Basar Intezar Mein Har Din
Doosra Din Ho Us Ke Aane Ka
~~~~~~~~~~~~~~~~~~~~~~~~~~~~
Chaand Ki Pighli Hui Chaandi Mein
Aao Kuch Rang e Sukhan Gholen Ge
Tum Nahi Bolti Ho? Mat Bolo
Hum Bhi Ab Tum Se Nahi Bolen Ge
~~~~~~~~~~~~~~~~~~~~~~~~~~~~
Hai Mohabbat Hayat Ki Lazzat
Warna Kuch Lazzat e Hayat Nahin
Kiya Ijazat Hai Ik Baat Kahun?
Wo….Magar Khair Koi Baat Nahin
~~~~~~~~~~~~~~~~~~~~~~~~~~~~
Main Ne Har Baar Tujh Se Milte Waqt
Tujh Se Milne Ki Aarzoo Ki Hai
Tere Jaane Ke Baad Bhi Main Ne
Teri Khushboo Se Guftugu Ki Hai
~~~~~~~~~~~~~~~~~~~~~~~~~~~~
Hai Ye Bazaar Jhoot Ka Bazaar!
Phir Yehi Jins Kiu Na Tolen Hum!
Kar Ke Ik Doosrey Se Ehed e Wafa!
Aao Kuch Dair Jhoot Bolen Hum!
~~~~~~~~~~~~~~~~~~~~~~~~~~~~
Yeh Tere Khat, Teri Khushboo, Tere Khwab o Khayal
Mata e Jaan Hain Tere Quol o Qasam Ki Tarhaan
Guzishta Saal Inhen Maine Gin Ke Rakha Tha
Kisi Ghareeb Ki Jori Hui Raqam Ki Tarhaan
[adsense_inserter id=”3100″]
Great