Khawab e Awara Kisi Aankh Ki Taqdeer to Ban!!

    0
    47
    khawab e awara kisi ankh ki taqdeer to ban

    Main to lab khol ke paband e silasil thehra
    Teri bat or he tu sahib e mehfil thehra

    Kia kahun kis ne qabeela mera taqseem kia
    Aj yun he koi bismal koi qatil thehra

    Khawab e awara kisi aankh ki taqdeer to ban
    Kisi manzil pe kabhi qafila e dil thehra

    Mujh ko bhi teri udasi dil e weeran si lagi
    Main bhi ae sheher e judai terey qabil thehra

    Kia gila tujh se ke aashub e jahan aesa he
    Main bhi ae yar teri yad se ghafil thehra

    Khushnawayan e chaman sab hen aseeran qafas
    Ab ke zandan bhi to gulzar e anadil thehra

    Kitne he sakht muqam aye magar jan e faraz
    Na tera dard he thehra na mera dil thehra

     

     

    Image: http://www.flickr.com/photos/thorinside/

     

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)