Manzar Wohi He Thathak Rahi Hun!!!

    0
    129

    manzar wohi he thathak rahi hun
    herat se palken jhapak rahi hun

    ye tu he ke mera wahima he
    band aankhon se tujh ko tak rahi hun

    jesey ke kabhi na tha taaruf
    yun milte huey jhijhak rahi hun

    pehchan! main teri roshni hun
    or teri palak palak rahi hun

    kia chain mila he sar jo us ke
    shanon pe rakhey sisak rahi hun

    patthar pe khili ,pa chashm e gul me
    kantey ki tarha khatak rahi hun

    jugnu kahin thak ke gir chuka he
    jangal me kahin bhatak rahi hun

    guria meri soch ki chini kia
    bachi ki tarha bilak rahi hun

    ik umr hui he khud se lartey
    andar se tamam thak rahi hun

    ras phir se jaron me ja raha he
    main shakh pe kab se pak rahi hun

    takhleeq e jamal e fan ka lamha
    kalion ki tarha chatak rahi hun!!

     

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)