Soz Itna To Nawa Me Aye

    0
    45

     

    soz itna to nawa me aye
    us ka pegham hawa me aye

    misl e gul ab ke ho wehshat apni
    zakham ka rang quba me aye

    dil me yun chupke se utra koi
    jese jibreel “hira” me aye

    yun achanak tujhe paya main ne
    jese taseer dua me aye

    chand ne jhuk kar sitaron se kaha
    kitne insan khala me aye

    hadsa zabt ka dushman he agar
    hosla ahl e wafa me aye

    ab to lab khol dehen basta mere
    zalzala arz o sama me aye

    rog kia ji ko laga he mohsin
    zeher ka nam dawa me aye

    ——————————————————————————-

    naya he sheher, nae aasrey talash karun
    tu kho gaya he,kahan ab tujhe talash karun

    jo dasht me bhi jalate thay fasl e gul ke charagh
    main sheher me bhi wohi aabley talash karun

    tu aks he to kabhi meri chashm e tar me utar
    tere lye main kahan aaeney talash karun

    tujhe hawas ki awargi ka ilm kahan
    kabhi main tujh ko tere samne talash karun

    ghazal kahun ,kabhi sada se khat likhun us ko
    udas dil ke lye mashghale talash karun

    mere wajood se shaed mile suragh tera
    kabhi main khud ko tere waste talash karun

    main chup rahun kabhi be waja hans parun mohsin
    usey ganwa ke ajab hosle talash karun

    Next to read:

    Jo Qurbaton Ke Nashey Thay Wo Ab Utarne Lagey!!

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)