Tamam Umar Wohi Qissa e Safar Kehna

    0
    631

     

    tamam umar wohi qissa e safar kehna
    ke aa saka na hamen apne ghar ko ghar kehna

    jo din charhe to tere wasal ki dua karna
    jo rat ho to dua he ko be asar kehna

    ye keh ke doob gaya aaj aakhri sooraj
    ke ho sakey to isi shab ko ab sahar kehna

    main ab sukoon se rahun ga ke aa gaya he mujhe
    kamal e be hunri ko bhi ik hunar kehna

    wo shakhs mujh se boht bad guman sa rehta he
    ye bat us se kaho bhi to soch kar kehna

    kabhi wo chand jo puche ke sheher kesa he
    bujhe bujhe hue lagte hen bam o dar kehna

    hamare bad azeezo, hamara afsana
    kabhi jo yad aye to mukhtasir kehna

    wo ak main ke mera sheher bhar ko apne siwa
    teri wafa ke taqazon se be khabar kehna

    wo ak tu ke tera har kisi ko mere bagher
    muamlat e mohabbat me motabir kehna

    wafa ki tarz he Mohsin ke maslihat,kia he
    ye tera dushman e jan ko bhi chara gar kehna

    —————————————————————————–

    rehte thay pastion me magar khud pasand thay
    ham log is lihaz se kitne buland thay

    aakhir ko so gayi khuli gallion me chandni
    kal shab tamam sheher ke darwaze band thay

    guzre to hanste sheher ko namnak kar gae
    jhonke hawae shab ke barey dard mand thay

    mosam ne bal o par to sanwarey boht magar
    urtey kahan ke ham to aseer e kamand thay

    wo ak tu ke ham ko mita kar tha mutmain
    wo ak ham ke phir bhi aseer e gazand thay

    mohsin riya ke nam per sathi thay be shumar
    jin me tha kuch khuloos wo dushman bhi chand thay

    Next to read:

    Tu Kesa Maseha He Ke Bemar Kare He!!

     

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)