Ab Ke Tajdeed e Wafa Ka Nahi Imkaan Jana

4
1194
janaan ahmed faraz poetry

Ab ke tajdeed e wafa ka nahi imkaan jana
Yad kia tujh ko dilaen tera pemaan janan

Yun hi mausam ki ada dekh ke yad aya he
kis qadar jald badal jate hen insan janan

Zindagi teri ata thi so tere naam ki he
Hum ne jese bhi basar ki tera ahsaan janan

Dil ye kehta he ke shaed ho afsurda tu bhi
Dil ki kia bat kren dil to he nadaan janan

Awwal awwal ki mohabbat ke nashey yad to kr
Be piye bhi tera chehra tha gulistan janan

Akhir akhir to ye alam he ke ab hosh nahin
Rag e meena sulag uthi ke rag e jan janan

Muddaton se yehi alam na tawaqu na umeed
Dil pukare hi chala jata he janan janan

Hum bhi kia sada they hum ne bhi samjh rkha tha
Gham e doran se juda he gham e janan janan

Ab ke kuch aesi saji mehfil e yaran janan
Sar ba zanu he koi sar ba gireban janan

Her koi apni hi awaz se kanp uthta he
Her koi apne hi saye se hirasan janan

Jis ko dekho wohi zanjeer bpa lgta he
Sheher ka sheher hua dakhil e zandaan janan

Ab tera zikar bhi shaed hi ghazal me aye
Aur se aur hue dard ke unwan janan

Hum ke ruthi hui rut ko bhi mana lete they
Hum ne dekha hi na tha mausam e hijran janan

Hosh aya to sabhi khawab they reza reza
Jese urte hue oraq e preshan janan!

 

 

Ghazal/Lyrics Title: Ab Ke Tajdeed e Wafa Ka Nahi Imkaan Jana
Poet: Ahmed Faraz

 

4 COMMENTS

  1. people now make fun of his poetry which is so bad!! as if we are discrediting him for all his efforts!! A heart touching poet with so many hit ghazals and songs to his name!!

  2. :good: very nice poetry. I like it and often read it. I just searched its lyrics and got onto your website. I like your website as well.

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)