acha he,pas agar koi gham khawar bhi nahin
ab mera hal laiq e izhar bhi nahin
hasrat se ab nigah zarf e yar bhi nahin
yani ke ham me taqat e deedar bhi nahin
damaan o jeb ho ho gae,nazr e junoon tamam
baqi kafan ke waste ik taar bhi nahin
sayyad! meray dam se hen sarey ye chehchahey
jab main nahin to ronaq e gulzar bhi nahin
kuch ye ke arz e shoq ki taqat nahin mujhe
or kuch ye he ke maslihat e yar bhi nahin
wo dil ke jis pe harf e tamanna bhi bar tha
ab sirf shikwa sanji e aghyar bhi nahin
dil me hajoom e shoq ka alam na puchye
gunjaish e khyal e rukh e yar bhi nahin
[adsense_inserter id=”3100″]
