Wafoor e Kaif Se Dil Itna Be Qarar Na Ho

0
51
Jigar Moradabadi

wafoor e kaif se dil itna be qarar na ho
main dar raha hun ke muztar nigah e yar na ho

shareek e ishq agar aqal parda dar na ho
nazar ke samne kuch bhi siwae yar na ho

nigah e yar ka mumkin nahin ke war na ho
khud apna aib he seena agar figar na ho

dikhaun dagh e mohabbat jo ho qusoor maaf
sunaun qissa e furqat,jo nagawar na ho

kahan ke saru o sanober,kahan ke lala o gul
nigah hi me jo kafiat e bahar na ho

unhen to dekh ke aaina weham ata he
ke ye kisi ki kahin chashm e intazar na ho

ajab zamana he,karta nahin isey tasleem
kisi sabab se ba zahir jo beqarar na ho

bas ik nigah e mohabbat se dekh lena he
magar,jo khatir e nazuk pe ye bhi bar na ho

naseeb dil ko ho yun mehw e aarzoo hona
ke khud bhi chahen agar wo,to hoshyar na ho

bharey huey hen nigahon me husn ke jalwe
ye kia majal,jahan main hun,or bahar na ho

khayal wasl se kar to raha hun kuch baten
qareeb he kahin lekin nigah e yar na ho

main sun ke hazrat asghar ke ae jigar! ashaar
wo mast hoon ke koi pe ke bada khawar na ho
——————————————————-

Jigar Moradabadi

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)