To Behtar He Yehi

1
178
To Behter Hai Yehi FaRAZ

Ye teri aankhon ki bezari ye lehjey ki thakan
Kitney andeshon ki hamil hen ye dil ki dharkanen

Peshtar is ke ke ham phir se mukhalif simat ko
Be khuda hafiz kahey chal den jhuka ker gardanen

Aao us dukh ko pukaren jis ki shiddat ne hamen
Is qadar ik dusrey ke gham se wabasta kia

Wo jo tanhai ka dukh tha talkh mehroomi ka dukh
Jis ne ham ko dard ke rishtey me pewasta kia

Wo jo is gham se ziada jan gusil qatil raha
Wo jo ik sail e bala angaiz tha apne lye

Jis ke pal pal me thay sadiyon ke samandar mojizan
Chekhti yaden lye ujrey huey sapne lye

Main bhi nakam e wafa tha tu bhi mehroom e murad
Ham ye samjhe thay ke dard e mushtarik ras agaya

Teri khoi hui muskurahat qehqahon me dhal gai
Mera gumgushta sakoon phir se meray pas agaya

Tapti dopehron me aasuda huey bazu meray
Teri zulfen is tarha bikhrin ghataen ho gaen

Tera barfeela badan be sakhta lo de utha
Meri sansen sham ki bhegi hawaen ho gaen

Zindagi ki sa’aten roshan thin shamon ki tarha
Jis tarha se sham guzre jugnuon ke sheher me

Jis tarha mehtab ki wadi me do saye rawan
Jis tarha ghungroo chhanak uthen nashey ki leher me

Aao ye sochen bhi qatil hen to behtar he yehi
Phir se ham apne purane zeher ko amrat kahen

Tu agar chahey to ham ik dusre ko chor kar
Apne apne bewafaon ke lye rotey rahen!!!

 

[adsense_inserter id=”3100″]

 

Poet: Ahmed Faraz
Book: Janan Janan

 

1 COMMENT

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)