Boht Hua Ke Gham e Do Jahan Ki Zad Me Nahi

    0
    137

    boht hua ke gham e do jahan ki zad me nahi
    ke main aseer zaman o makan ki had me nahi

    mere milap ki khawahish he gar to chand na ban
    ke aasman ki bulandi to mere qad me nahi

    safeer e mosam e gul he, saba ka parcham he
    wo barg e tar jo abhi tak khazan ki zad me nahi

    abhi na dam laga ae khud aagahi apne
    abhi mata e junoon daman e khirad me nahi

    talab khushi ki na gham ki kashish ke dil jese
    boht dinon se hisar e qabool e ward me nahi

    saba ne daman e gul me chupa ke rakha he
    wo bhol pan jo abhi tere khal o khad me nahi

    jo atbar tha peman shikastagi me nihan
    najane kiun wo tere qol e mustanad me nahi

    ye keh ke rooh badan se bichar gai mohsin
    mujhe sukoon teri tooti hui lehed me nahi

    ————————————————————————————

    ahl e jafa se rabt e wafa tor dijye
    ab ji me he ke sheher tera chor dijye

    mur mur ke dekhye na lutey manzaron ki simat
    aankhen jo zid karen to inhen phor dijye

    kehti hen dil zadon se biaban ki wusaten
    rukh apni wehshaton ka idhar mor dijye

    her ankh zakham zakham he her dil he choor choor
    ab itne aaenon ko kahan jor dijye

    Next to read:

    Nibha Raha He Yehi Wasf e Dosti Shayed!!

    LEAVE A REPLY

    Please enter your comment!
    Please enter your name here

    :bye: 
    :good: 
    :negative: 
    :scratch: 
    :wacko: 
    :yahoo: 
    B-) 
    :heart: 
    :rose: 
    :-) 
    :whistle: 
    :yes: 
    :cry: 
    :mail: 
    :-( 
    :unsure: 
    ;-)