Moj e Khushbu Ki Tarha Baat Uraney Waley

1
263

moj e khushbu ki tarha bat uraney waley
tujh me pehle to na thay rang zamaney waley

kitne heeray meri aankhon se churaey tu ne
chand patthar meri jholi me girane waley

khun baha agli baharon ka tere sar to nahi?
khushk tehni pe naya phool khilane waley

aa tujhe nazar karun apni he sheh rag ka lahu
mere dushman,meri toqeer barhane waley

aasteno me chupaey hue khanjar aye
mujh se yaron ki tarha hath milane wale

zulmat e shab se shikayet unhe kese Mohsin
wo to suraj ke thay aaena dikhane waley

 

[adsense_inserter id=”3100″]

 

—————————————————————————-

ab raftgan ki yad ka kuch to pata bhi de
ae sham dukh dia he to phir hosla bhi de

chubhte hen ab to ashk bhi reh reh ke aankh me
moj e hawae shab ye charaghan bujha bhi de

kia qeher he falak ka sitam bhi zameen pe ho
girne lage falak to zameen aasra bhi de

mujh ko to harf e haq ki talab thi so pa lia
main ye kab kaha tha mujhe “karbala” bhi de

ab kuch to kam ho dil zadgan ki fasurdagi
ae dard rat dhalne lagi, muskura bhi de

har fard ibtada ki musafat me shal hua
koi to ho jo ab khabr e intaha bhi de

kab tak hanse ge tujh pe ye mehromion ki sham
wo shakhs bewafa tha , usey ab bhula bhi de

Mohsin sa ahl e dil to dikha apne sheher me
Mohsin to hans ke zakham bhi khae, dua bhi de

Mohsin Naqvi

 

Next to read:

Kashaf – Meri Aankhon Me Teray Nam Ka Tara Chamka!

1 COMMENT

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)