hawa se jang me hun, be amaan hun
shikasta kashtion per badban hun
main suraj ki tarha hun dhoop orhey
or apne ap per khud saiban hun
mujhe barish ki chahat ne dabo dia
main pukhta sheher ka kacha makaan hun
khud apni chaal ulti chalna chahun
main apne wastey khud aasman hun
duaen de rahi hun dushmanon ko
or ik hamdard per na meherban hun
parindon ko dua sikhla rahi hun
main basti chor kar, jangal ki azaan hun
abhi tasweer meri kia baney ge
abhi to canvas per ik nishan hun