Idrak Per Moheet He Arz o Sama Ka Dukh

2
586

idrak per moheet he arz o sama ka dukh
is se parey bhi jo he wo he mawra ka dukh

dil na kaha na dekh soey aasman ke yun
barhta he narasai dast e dua ka dukh

warna sakoot e marg kahan or ham kahan
heran kar gaya hamen apni sada ka dukh

dil me ab or kia he jise dhundti he khalaq
kafi he zindagi ko shikast e ana ka dukh

sun lo musafiran e bayaban e sham e gham
bakhshe ga ibtada ka safar intaha ka dukh

kiun in dino sawar he do kashtion pe dil
chahat ik ajnabi ki to ik aashna ka dukh

Mohsin khizan ka nam badal kar likho isey
nayabi naqoosh e khuram e saba ka dukh

 

 

———————————————————————————

wehshaten bikhri pari hen jis taraf bhi jaun main
ghoom phir aya hun apna sheher ,tera gaon main

kis ko ras aya he itni der tak ka jagna
wo jo mil jae to us ko bhi yehi samjhaun main

ab to aankhon me utar ay hen dil ki wehshaten
aaena dekhun to apne ap se dar jaun main

kuch bata ae matami raton ki dhundli chandni
bhoolne walon ko akhir kis tarha yad aun main

ab kahan wo dil ke sehra me behelta he na tha
ab to apne ghar ki tanhai se bhi ghabraun main

yad kar ke tere lot ane ke waadon ki ghari
khud ko ik masoom bache ki tarha behlaun main

mere khawabon ne tarasha tha tera ujla badan
aa tujhe ab fikr ki poshak bhi pehnaun main

kis lye Mohsin kisi be meher ko apna kahun
dil ke sheshe ko kisi patthar se kiun takraun main

 

 

Poet: Mohsin Naqvi

Next to read:

Phool Aye, Na Barg e Tar He Thehrey!!

2 COMMENTS

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)