dil waqf e seel deeda e pur aab he to he
aakhir kahin ruke ga ke sailab he to he
kafi he iztarab ko dil me lahu ki boond
wo bhi misal e moja e semab he to he
ham se na rooth, subha ke tarey, tere nisar
tu bhi qateel e shewa e ahbab he to he
khushbu, hawa me reza e perahan e bahar
shabnam, gulon ka garia e shadab he to he
noha, shikast e dil ki he awaz e bazigasht
naghma, safeer e janbish e mizrab he to he
jo kuch bhi sun raha tha, sadae sakoot thi
jo kuch bhi dekhta hun wo sab khawab he to he
seel e fana ki moj me beh jae ge kabhi
apni zameen bhi gard e rukh e aab he to he
nikle ga kab hadood e makan se bashar ka zehen
ab bhi aseer e qaria e mehtab he to he
ahl e hawas ki lazzat e kam o dehen ki kher
apna lahu bhi misl e mae nab he to he
Mohsin musarraton ki talab raegan samajh
alam kitab e dard ka ik baab he to he!!
[adsense_inserter id=”3100″]
Next to read:
Bajuz Hawa Koi Jane Na Silsile Tere!
