Teray Wisal Ka Zamana Yad Aa Ke Reh Gaya

0
695

kabhi kabhi to jazb e ishq mat kha ke reh gaya
ke tujh se mil ke bhi tera khyal aa ke reh gaya

judaion ke marhaley bhi husn se tahi na thay
kabhi kabhi to shoq aaene dikha ke reh gaya

kisey khabar ke ishq per qayamaten guzar gaen
zamana us nigah ka freb kha ke reh gaya

ye kia maqam e shoq he na aas he na yas he
ye kia hua ke lab pe tera nam aa ke reh gaya

koi bhi ham safar na tha shareek e manzil junoon
boht hua to raftgan ka dhyan aa ke reh gaya

charagh e sham e aarzu bhi jhilmila ke reh gae
tera khayal raste sujha sujha ke reh gaya

chamak chamak ke reh gaen najoom o gul ki manzilen
main dard ki kahanian suna suna ke reh gaya

teray wisal ki umeed ashk ban ke beh gai
khushi ka chand sham he se jhilmila ke reh gaya

wohi udas roz o shab, wohi fasun, wohi hawa
teray wisal ka zamana yad aa ke reh gaya

Next to read:

Dunya to Sada Rahey Gi Nasir, Hum Log Hain Yadgar Kuch Dair!

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)