Jab Teri Dhun Mein Jiya Karte The

0
1069

jab teri dhun mein jiya karte the
ham bhi chup chap phira karte thay

aankh me piyas hua karti thi
dil me toofan utha karte thay

log atey thay ghazal sunne ko
ham teri bat kia karte thay

sach samajhte thay teray waadon ko
rat din ghar me raha karte thay

kisi weerane me tujh se mil kar
dil me kia phool khila karte thay

ghar ki dewar sajaney ke lye
ham tera nam likha karte thay

wo bhi kia din thay bhula kar tujh ko
ham tujhe yad kia karte thay

jab teray dard me dil dukhta tha
ham teray haq me dua karte thay

bujhne lagta tha jo chehra tera
dagh seeney me jala karte thay

apne jazbon ki kamandon se tujhe
ham bhi taskheer kia karte thay

apne aansu bhi sitaron ki tarha
teray honton pe saja karte thay

chherta tha gham e dunya jab bhi
ham teray gham se gila karte thay

kal tujhe dekh ke yad aya he
ham sukhan war bhi hua karte thay

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)