Jis Simat Bhi Dekhun Nazar Aata He Ke Tum Ho

0
1048

Jis simat bhi dekhun nazar ata he ke tum ho
Ae jan e jahan ye koi tum sa he ke tum ho

Ye khawab he,khushbu he ke jhonka he ke pal he
Ye dhund he, badal he ke saya he ke tum ho

Is deed ki saa’at me kai rang hen larzaan
Main hoon ke koi or he, dunya he ke tum ho

Dekho ye kisi or ki aankhen hen ke meri
Dekhun ye kisi or ka chehra he ke tum ho

Ye umr e gurezan kahin thehre to ye janun
Har saans me mujh ko yehi lagta he ke tum ho

Har bazm me mozu e sukhn dil zadgan ka
Ab kon he sherin he ke lela he ke tum ho

Ik dard ka phela hua sehra he ke me hoon
Ik mauj me aya hua darya he ke tum ho

Wo waqt na aye ke dil zar bhi sochey
Is sheher me tanha koi ham sa he ke tum ho

Abad ham ashufta saron se nahin maqtal
ye rasm abhi sheher me zinda he ke tum ho

Ae jan e faraz itni bhi taufeeq kise thi
Ham ko gham e hasti bhi gawara he ke tum ho

 

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)