Hum Parwarish-e-Loh-o-Qalam Kartay Rahain Ge
Jo dil pay guzerti hey rakam kerte rahenge
Asbab e Ghum e ishq baahum kertay rahen ge
Weraani e dauran pay karam kerte rahen ge
Haan talkhi e aayyaam abhee Or barhe ge
Haan Ehl e situm mashq e situm kertay raheyn ge
Manzoor yeh talkhi ye situm ham ko gawara
Dum hey tou madawa e alam kerte raheynge
Baaqi hey lahu dil men tou her ashk say paida
Rung e lab o rukhsar e sanam kerte raheynge
Aik tarz e taghaful hai so wo unko mubarak
Aik arz e tamannah hey so ham kerte rahen ge
Faiz Ahmed Faiz
Tags:
hum parvarish e lauh o qalam karte rahen ge
