Bichar Ke Tujh Se Sochun Ke Dil Kahan Jae

0
48
mohsin naqvi poetry

bichar ke tujh se sochun ke dil kahan jae
sahar udas karey, sham raegan jae

zameen badar jo huey ho to merey ham safro
chaley chalo ke jahan tak ye aasman jae

tamam sheher me pheli hui he tanhai
ye dil jawan sahi lekin kahan kahan jae

jalun to yun ke azal jagmaga uthey mujh se
bujhun to yun ke abad tak mera dhuaan jae

abhi to dil se nikal kar zaban tak ay he
kisey khabarke kahan tak ye dastan jae

qadam qadam pe he zandan rawish rawish pe saleeb
koi to ho ke jo ab bahar imtahan jae

bichar chala he to meri dua bhi leta ja
wahan wahan mujhe pae,jahan jahan jae

main apne ghar ki taraf ja raha hun yun Mohsin
ke jese lut ke kisi ban me karwan jae

Mohsin Naqvi

 

 
 

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)