Ankhen Bheeg Jati Hain by Wasi Shah

0
2031
wasi shah poetry

Samundar Mein Utarta Hoon To Ankhen Bheeg Jati Hain
Teri Aankho Ko Parhta Hoon To Ankhen Bheeg Jati Hain

Tumhara Naam Likhnay Ki Ijazat Chhin Gayi Jab Sey
Koi Bhi Lafz Likhta Hoon To Ankhain Bheeg Jati Hain

Teri Yaadon Ki Khushbu Khirkiyon Mein Raqs Karti Hai
Teray Ghum Mein Sulagta Hoon Tou Aankhain Bheeg Jati Han

Na Janay Ho Gaya Hoon Is Qadar Mai Hassas Kb Sey
Kisi Sey Baat Karta Hoon Tou Ankhain Bheeg Jati Hain

Wo Sub Guzray Huwe Lamhaat Mujh Ko Yaad Aate Hain
Tumharey Khat Jo Parhta Hoon To Ankhain Bheeg Jati Hain

Mai Sara Din Boht Masroof Rehta Hoon Magar Junhi
Qadam Chokkhat Pe Rakhta Hoon To Ankhain Bheeg Jati Han

Hr Ik Muflis Ke Maathe Pe Alm Ki Daastanen Hain
Koi Chehra Bhi Parhta Hoon To Ankhen Bheeg Jati Hain

Baray Logon Kay Onche Bad Numaa Aur Sard Mehlo Ko
Ghareeb Ankho Se Takta Hoon To Ankhain bheeg Jati Han

Terey Kooche Se Mera Talluq Ab Wajibi Sa Hy
Magar Jb Bhi Guzrta Hoon To Ankhain Bheeg Jati Hain

Hazaron Mousamo Ki Hukmrani Hy Mere Dil Pr
Wasi Mai Jb Bhi Hasta Hoon To Ankhain Bheeg Jati Hain

Wasi Shah

 

 

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)