Guzra Hoon Jis Taraf Sey Bhi Patthar Lagey Mujhey
Aese Bhi Kiya The, Laal o Jawaahar Lagey Mujhey
Lo! Ho Chuki Shifaa Ke Madaawa e Dard e Dil!
Ab Teri Dastaras Se Bhi Bahar Lage Mujhey
Tarsa Diya Hai Abr e Gurezaan Ne Is Qadar
Barsey Jo Boond Bhi Tou Samandar Lage Mujhey
Thaame Raho Ge Jism Ki Deewar Taab Ke
Ye Zalzala Tou Rooh Ke Andar Lage Mujhey
Gr Roushni Yehi Hai Tou Ae Bad Naseeb Shehr!
Ab Tergi Hi Tera Muqaddar Lage Mujhey
Manzil Kahan Ki Zaad Safar Ko Bachaayo!
Ab Rah Zano Ki Neeyat e Rahbar Lage Mujhey
Wo Muttmain, Ke Sub Ki Zubaan Kaat Di Gayi
Aesi Khamoshiyon Se Magar Darr Lage Mujhey
Wo Qehet e Harf e Haqq Hay Ke Is Ehed Me Faraz!
Khud Saa Gunah Gar Bhi Wali Lage Mujhey
