Doob Kar Jis Ne Bhi Mohabbat Mein Adakaari Ki
Dil e Sada Ne Buhut Us Ki Taraf Daari Ki
Jaib Mein Le Kar Ummidon Ke Khanakte Sikke
Hum Ne Khwaabon Ke Jaziron Mein Kharidari Ki
Matami Rang Ka Malboos Pehen Kar Dil Ne
Raat Ujre Huwe Khwaabon Ki Azadaari Ki
Theek Hai Dil Ko Lagaya Tha Kabhi Bhoole Se
Is Ki Qeemat Bhi Adaa Hum Ne Bohot Bhaari Ki
Dil Ki Zameen Par Ug Aae Hain Mohabbat Ke Gulaab
Mausam e Ishq Mein Hum Ne Bhi Shajar Kaari Ki..
