Main Khud Zameen Hun Magar Zarf Aasman Ka He!!

1
198

main khud zameen hun magar zarf aasman ka he
ke toot kar bhi mera hosla chatan ka he

bura na maan,mere harf zeher zeher sahi
main kia karun ke yehi zaiqa zaban ka he

har ak ghar pe musallat he dil ki werani
tamam sheher pe saya mere makan ka he

bicharte waqt se ab tak main yun nahi roya
wo keh gaya tha,yehi waqt imtahan ka he

musafiron ki khabar he na dukh he kashti ka
hawa ko jitna gham he wo badban ka he

jo berg e zard ki surat hawa me urta he
wo ik warq bhi meri apni dastan ka he

ye or bat,adalat he be khabar warna
tamam sheher me charcha mere bayan ka he

asar dikha na saka us ke dil me ashk mera
ye teer bhi kisi tuti hui kaman ka he

bichar bhi jae magar mujh se be khabar bhi rahe
ye hosla he kahan mere bad guman ka he

qafas to kher muqaddar me tha magar Mohsin
hawa me shor abhi tak meri uran ka he

 

[adsense_inserter id=”3100″]

 

Poet: Mohsin Naqvi

1 COMMENT

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)