falak per ik sitara reh gaya he
mera sathi akela reh gaya he
ye keh kar phir palat ayen hawaen
shajar per ak patta reh gaya he
her ik rut me tera gham he salamat
ye mosam ak jesa reh gaya he
hamare bad kia guzri azeezo
sunao sheher kesa reh gaya he
baras kuch or ae awara badal
ke dil ka sheher pyasa reh gaya he
khudawand sanbhal apni amanat
bashar dunya me tanha reh gaya he
hawadis kis lye dhunden ge mujh ko
mere daman me ab kia reh gaya he
sitarey bantta phirta hun mohsin
magar ghar me andhera reh gaya he
—————————————————————————
roshni tere “safeeron” ka nishan baqi he
daman e shab me charaghon ka dhooan baqi he
hashar to ho bhi chuka tere bichar jane per
dil me kiun waswasa e sood o zian baqi he
ab tujhe yad dilane ke lye kuch bhi nahi
sirf ik ahd e wafa,wo bhi kahan baqi he?
rehruo, dhoop ne jhulsa dye qadmon ke nishan
phir bhi ik wahima abr e rawan baqi he
dil ko ab shoq se taraj kare barq e azab
uth gae sarey makin ,sirf makan baqi he
kon kehta he ke alfaz hen mohtaj e qalam
kat gae hath magar meri zaban baqi he
kitne khursheed tarashe gae,phir bhi Mohsin
teergi he jo karan ta ba karan baqi he
Poet: Mohsin Naqvi
Next to read:
Hamesha Der Kar Deta Hoon Main! – [Video Ghazal]
