Dard e Ishq by Allama Iqbal

1
648
Allama Iqbal Poems

 

 

Aey Durd-e-Ishq, Hey Gohr-e-Abdar Tu
Na-Maihramoun Main Daikh Na Ho Aashkar Tu,

Pinhan Teh-e-Neqab Tairi Julvagah Hey
Zahir Parast Mahfil-e-Nau Kee Negah Hey

Aayi Naiy Hava Chaman-e-Hast-o-Bood Main
Aey Durd-e-Ishq! Ub Naeein Lazzat Namood Main

Han, Khud Numaeyon Kee Tojhe Justuju Na Hu
Minnat Pazeer Nala-e-Bulbul Ka Tu Na Hu!
Khaali Sharab-e-Ishq Say Laley Ka Jam Hu
Paani Kee Boond Girya-e-Shabnum Ka Nam Hu
Pinhan Duroon-e-Seena Kaheen Raz Ho Taira
Ashk-e-Jiger Gudaz Na Ghammaz Ho Taira

Goya Zubaan-e-Shayer-e-Rangin Bayan Na Hu
Avaz-e-Ne Main Shekva-e-Fursat Nehan Na Hu

Ye Dour Nukta Cheen Hey, Kaheen Chhup Kay Beth Reh
Jis Dil Main Tu Makeen Hey, Vahin Chhup Kay Beth Reh

Ghaafil Hey Tujhse Herat-e-elm Aafrida Daikh!
Jo ye Naheen Tairi Negah-e-Na Rasida Daikh

Rahne Dey Justujoo Main Kheyal-e-Buland Ko
Herat Main Chhor Didah-e-Hekmat Pasand Ko

Jiski Bahaar Tu Ho Yeh Aeysa Chaman Naheen
Kabil Tairi Namood Key Ye Anjuman Naheen

Ye Anjuman Hey Kushta-e-Nazara-e-Majaz
Maqsad Tairi Negah Ka Khalvat Saraey Raz
Her Dil Mey-e-Kheyal Kee Musti Sey Choor Hey
Kuch Or Aaj Kal Kay Kalimon Ka Toor Hey

اے درد عشق! ہے گہر آب دار تو
نا محرموں ميں ديکھ نہ ہو آشکار تو
پنہاں تہِ نقاب تری جلوہ گاہ ہے
ظاہر پرست محفل نو کی نگاہ ہے
آئی نئی ہوا چمن ہست و بود ميں
اے درد عشق! اب نہيں لذت نمود ميں
ہاں خود نمائيوں کی تجھے جستجو نہ ہو
منت پذير نالہء بلبل کا تو نہ ہو!
خالی شراب عشق سے لالے کا جام ہو
پانی کی بوند گريہء شبنم کا نام ہو
پنہاں درون سينہ کہيں راز ہو ترا
اشک جگر گداز نہ غماز ہو ترا
گويا زبان شاعر رنگيں بياں نہ ہو
آواز نے ميں شکوہ فرقت نہاں نہ ہو

يہ دور نکتہ چيں ہے ، کہيں چھپ کے بيٹھ رہ
جس دل ميں تو مکيں ہے، وہيں چھپ کے بيٹھ رہ

غافل ہے تجھ سے حيرت علم آفريدہ ديکھ!
جويا نہيں تری نگہ نارسيدہ ديکھ
رہنے دے جستجو ميں خيال بلند کو
حيرت ميں چھوڑ ديدہء حکمت پسند کو
جس کی بہار تو ہو يہ ايسا چمن نہيں
قابل تری نمود کے يہ انجمن نہيں
يہ انجمن ہے کشتۂ نظارۂ مجاز
مقصد تری نگاہ کا خلوت سرائے راز

ہر دل مے خيال کی مستی سے چور ہے
کچھ اور آجکل کے کليموں کا طور ہے

 

 

1 COMMENT

LEAVE A REPLY

Please enter your comment!
Please enter your name here

:bye: 
:good: 
:negative: 
:scratch: 
:wacko: 
:yahoo: 
B-) 
:heart: 
:rose: 
:-) 
:whistle: 
:yes: 
:cry: 
:mail: 
:-( 
:unsure: 
;-)