Jugnu Poem by Allama Iqbal

0
257
Allama Iqbal Poems

Jugnoo Poem by Allama Iqbal

 

[adsense_inserter id=”3100″]

 

Jugnoo Ki Roshni Hy Kashana-e-Chaman Mein
Ya Shama Jal Rahi Hy Phoolon Ki Anjuman Mein

Aya Hy Asman Se Urh Kar Koi Sitara
Ya Jaan Parh Gai Hy Mehtaab Ki Kiran Mein

Ya Shab Ki Saltanat Mein Din Ka Safeer Aya
Gharbat Mein Aa Ke Chamka, Ghumnaam Tha Watan Mein

Tukma Koi Gira Hy Mehtab Ki Qaba Ka
Zarra Hy Ya Numayan Suraj Ke Pairhan Mein

Husn-e-Qadeem Ki Ye Poshida Ek Jhalak Thi
Le Ayi Jis Ko Qudrat Khalwat Se Anjuman Mein

Chote Se Chand Mein Hy Zulmat Bhi Roshni Bhi
Nikla Kabhi Gehn Se, Aya Kabhi Gehn Mein

Parwana Ek Patanga, Jugnoo Bhi Ek Patanga
Woh Roshni Ka Talib, Ye Roshni Sarapa

Har Cheez Ko Jahan Mein Qudrat Ne Dilbari Di
Parwane Ko Tapish Di, Jugnoo Ko Roshani Di

Rangeen Nawa Banaya Murghan-e-Bezuban Ko
Gul Ko Zuban De Kar Taleem-e-Khamashi Di

Nazara-e-Shafaq Ki Khoobi Zawal Mein Thi
Chamka Ke Iss Pari Ko Thori Si Zindagi Di

Rangeen Kiya Sehar Ko Banki Dulhan Ki Soorat
Pehna Ke Laal Jorha Shabnam Ki Aar Si Di

Saya Diya Shajar Ko, Parwaz Di Hawa Ko
Pani Ko Di Rawani, Moujon Ko Be-Kali Di

Ye Imtiaz Lekin Ek Baat Hy Humari
Jugnoo Ka Din Wohi Hy Jo Raat Hy Humari

Husn-e-Azal Ki Paida Har Cheez Mein Jhalak Hy
Insan Mein Woh Sukhan Hy, Ghunche Mein Woh Chatak Hai

Ye Chand Asman Ka Sha’ir Ka Dil Hy Goya
Waan Chandani Hy Jo Kuch, Yaan Dard ki Kasak Hy

Andaz-e-Guftugoo Ne Dhoke Diye Hain Warna
Naghma Hy Bu-e-Bulbul, Boo Phool Ki Chehak Hy

Kasrat Mein Ho Gya Hy Wahdat Ka Raaz Makhfi
Jugnoo Mein Jo Chamak Hy, Woh Phool Mein Mehak Hy

Ye Ikhtilaf Phir Kyun Hangamon Ka Mehal Ho
Har Shay Mein Jabke Pinhan Khamoshi-e-Azal Ho

 

[adsense_inserter id=”3414″]

 

LEAVE A REPLY

Please enter your comment!
Please enter your name here